LINTON KWESI JOHNSON "REGGAE FI DADA" Lyrics

Linton Kwesi Johnson Reggae Fi Dada Lyrics:

Linton Kwesi Johnson Reggae Fi Dada lyrics are copyrighted material,
you need to enable javascript, then refresh this page
to view licensed lyrics on mp3lyrics.org

Galang dada
Galang gwwaan yaw sah
Yu nevvah ad noh life fi live
Jus di wan life fi give

Yu did yu time pan ert
Yu nevvah get yu jus dizert
Galang goh smile inna di sun
Galang goh satta inna di palace af peace

O di waatah
It soh deep
Di waatah
It soh daak
An it full a hawbah shaak

Di lan is like a rack
Slowly shattahrin to san
Sinkin in a sesa af calamity
Where fear breed shadows

Dat lurks in di daak
Where people fraid fi waak
Fraid fi tink fraid fi taak
Where di present is haunted by di pass

A deh soh mi bawn
Get fi know bout staam
Learn fi cling to di dawn
An wen mi hear mi daddy sick
Mi quickly pack an tek a trip

Mi nevvah have noh time
When mi reach
Fi si noh sunny beach
Wen mi reach
Jus people a live in shack
People livin back-to-back

Mongst cackroach an rat
Mongst dirt an dizeez
Subjek to terrorist attack
Political intrigue
Kanstant grief
An noh sign af relief

O di grass
Turn brown
Soh many trees
Cut doun
An di lan is ovahgrown

Fram country to toun
Is jus tissel an tawn
Inna di woun a di poor
Is a miracle ow dem endure

Di pain nite an day
Di stench af decay
Di clarin sights
Di guarded affluence
Di arrogant vices
Cole eyes af kantemp
Di mackin symbals af independence

A deh soh mi bawn
Get fi know bout staam
Learn fi cling to di dawn
An wen di news reach mi
Seh mi wan daddy ded
Mi ketch a plane quick

An wen mi reach mi sunny isle
It woz di same ole style
Di money well dry
Di bullits dem a fly

Plenty innocent a die
Many rivahs run dry
Ganja planes flyin' high

Di poor man im a try
Yu tink a lickle try im try
Holdin' awn bye an bye
Wen a dallah cyaan buy
A lickle dinnah fi a fly

Galang dada
Galang gwaan yaw sah
Yu nevvah ad noh life fi live
Jus di wan life fi give

Yu did yu time pan ert
Yu nevvah get yu jus dizert
Galang goh smile inna di sun
Galang goh satta inna di palace af peace

Mi know yu couldn't tek it dada
Di anguish an di pain
Di suffahrin di prablems di strain
Di strugglin in vain

Fi mek two ens meet
Soh dat dem pickney coulda get
A lickle someting fi eat
Fi put cloaz pan dem back

Fi put shoes pan dem feet
Wen a dallah cyaan buy
A lickle dinnah fi a fly

Mi know yu try dada
Yu fite a good fite
But di dice dem did loaded
An di card pack fix
Yet still yu reach fifty-six

Before yu lose yu leg wicket
' A noh yu bawn grung here'
Soh wi bury yu a stranger's burying groun
Near to mhum an cousin Daris
Nat far fram di quarry
Doun a August Town

	Reggae Fi Dada lyrics, Linton Kwesi Johnson related songs
	1. Lil' bow wow → Do what it do 2. Bow wow → Do what it do 3. The coup → Get up 4. Coup → Ride the fence 5. T-pain → I'm n luv wit a stripper (remix) 6. Foxy brown → Run dem 7. Lil' kim → Durty 8. Goodie mob → All a's 9. Today is the day → Birthright 10. Defari → Bomb tree 11. Field mob → Eat 'em up, beat 'em up 12. Souls of mischief → Live and let live 13. Mc lyte → Trg (the rap game) 14. Sean paul → Top shooter 15. T-pain → I'm sprung 2 16. Beenie man → World gone mad 17. Swollen members → Poker face 18. The game → 240 bars 19. Ghostface killah → Set it off 20. Linton kwesi johnson → Tings an' times